Birgemiz: ShQO-da muqtaj jandarǵa azyq-túlik taratylyp jatyr

ÓSKEMEN. QazAqparat – ShQO boıynsha ekonomıkalyq tergeý departamentiniń mamandary «Biz birgemiz» aktsııasyna qoldaý bildirdi, dep habarlaıdy QazAqparat.

Aktsııa aıasynda memlekettik qyzmetkerler kópbalaly otbasylarǵa, qarttarǵa, múmkindigi shekteýli jandar men az qamtylǵan otbasylarǵa azyq-túlik taratty.

«Tótenshe jaǵdaı rejımine oraı engizilgen qosymsha shekteýler kezinde turǵyndar úıde otyrýy úshin azyq-túlik pen jeke bas gıgıena zattaryn olardyń úıine deıin jetkizip berdik. «Biz birgemiz» aktsııasynyń áleýmettik mańyzy zor. Osyndaı ıgi sharalardan aldaǵy ýaqytta da qalys qalmaımyz», - deıdi ShQO boıynsha ekonomıkalyq tergeý departamentiniń mamandary.

Esterińizge sala ketsek, osyǵan deıin «Birgemiz» qory arqyly Shyǵys Qazaqstanda 12 myńnan astam adamǵa qoldaý kórsetilip jatqanyn habarlaǵan bolatynbyz.