«Birgemiz»: ShQO-da 7 myńǵa jýyq otbasy 50 myń teńgeden aldy

ÓSKEMEN. QazAqparat – Shyǵys Qazaqstan oblysynda «Birgemiz» qorynan 6852 adam qarjylaı kómek aldy, dep habarlaıdy QazAqparat tilshisi.

«Nur Otan» partııasynyń «Birgemiz» qorynan birqatar sanattaǵy óńir turǵyndaryna 50 myń teńge mólsherinde birjolǵy materıaldyq kómek berilýde. Qazirgi ýaqytta Óskemen qalasynda 4876, Semeı qalasynda 1976 otbasy birrettik tólem aldy.

Kómek alýshylardyń 7 sanaty bekitilgen. Olardyń qatarynda turmysy tómen kópbalaly otbasylar, múmkindigi shekteýli jandar, múgedek bala tárbıelep otyrǵan januıalar, eń tómengi zeınetaqy alatyn jáne halyqtyń áleýmettik osal toptaryna jatatyn zeınetkerler men jetim balalar bar.

«Birgemiz» qorynyń tóraǵasy Rýslan Sakeevtiń aıtýynsha, Qazaqstan boıynsha 100 myńnan astam otbasyna materıaldyq kómek beriledi.

Osy maqsatqa qordan 5 mlrd teńgege jýyq qarjy bólindi.