Birgemiz: ShQO-da 12 myńnan astam adamǵa qoldaý kórsetilip jatyr
«Elbasy Nursultan Nazarbaev «Birlese bilgen el bárin jeńedi» atty maqalasynda memleketimizdiń túrli kezeńdegi qıyndyqtardan qalaı shyqqany týraly keńinen baıandady. Iá, dúnıeni dúrbeleńge salǵan pandemııa búkil álemde jańa ekonomıkalyq daǵdarys týǵyzyp otyr. Qaýipti indetke qaýqary jetpegen keıbir eldiń shekken zardabyn kórgende, kez-kelgen adamdy qorqynysh bıleıtini anyq. Árıne, úreı men qorqynysh – bul indetke jol ashyp beredi. Sondyqtan, negizsiz alańdaýǵa bolmaıdy. «Jumyla kótergen júk jeńil» demekshi, bul indetti jeńip, elimiz qalypty tirlikke oralý úshin biz birlese kúresip, árqaısymyz jaýapkershilikti sezinýimiz qajet», - deıdi Oleg Chýgýnkov.
Onyń aıtýynsha, búgingi tańda elimizdiń túkpir-túkpirinde «Birgemiz» respýblıkalyq aktsııasy aıasynda túrli sharalar qolǵa alynýda. Osy rette «Nur Otan» partııasynyń «Ardagerlerdi ardaqtaıyq», «Kedergisiz keleshek», «Baqytty otbasy» syndy jobalary sheńberinde ardagerler, kópbalaly analar, az qamtylǵan otbasylar, múmkindigi shekteýli jandar kómek alýda.
«Elimizdegi tótenshe jaǵdaı kezinde halyqqa qaıyrymdylyq kómekti tıimdi uıymdastyrý úshin «Birgemiz« respýblıkalyq qory qurylǵany belgili. Bekitilgen 7 sanat boıynsha qordan 150 myńnan astam azamatqa 50 myń teńge kóleminde aqshalaı kómek kórsetiledi. Bul karantın kezinde qıyndyqtarǵa tap bolǵan 23 iri qalalardyń turǵyndary. Shyǵys Qazaqstan oblysy boıynsha Óskemen jáne Semeı qalalarynda turatyn osy sanattaǵy 12 myńnan astam adamdarǵa qoldaý kórsetilýde», - deıdi «Nur Otan» partııasy ShQO fılıalynyń tóraǵasy.
