«Birgemiz, saýlyq» jobasy aıasynda 1 258 volonter dárigerlerge kómek kórsetip júr
«2008 jyldan beri Atyraý oblystyq jedel járdem medıtsınalyq stansasynda erikti bolyp qyzmet atqaryp kelemin. 2008 jyly bul jerge volonter bolyp barýǵa kóptegen sebep boldy. Sonyń biri - óz qalamnyń, oblystyń turǵyndaryna kómek kórsetý, oblystyq jáne qalamyzdyń jedel járdem stansasy jumysyn jaqsartýǵa úles qosý boldy. Bul jerde kelgenmen medıtsınalyq bilimim joq. ıAǵnı, dárigerlerdiń tek qana medıtsınalyq bilim qajet etpeıtin tapsyrmalaryn oryndap júrdim. Mysaly, qujattar toltyrý, sanıtarlyq kóliktiń ishin jýyp-tazalaý, dóńgelegin aýystyrý sııaqty qarapaıym tapsyrmalardy oryndadyq. Sol kezde «istep jatqan jumysymyz medıtsına brıgadalaryna kómekke muqtaj bolyp jatqan qala turǵyndaryna 1 mınýt ýaqyt erterek barsa, biz úshin óte úlken qýanysh» sanadyq. Al medıtsına salasynda 1 mınýt ýaqyttyń alar orny erekshe. 2008 jyldan beri kóp jumys isteldi. Volonterler sany da artty. Sol jyly jalǵyz volonter bolsam, sodan beri adamdar sany kóbeıdi»,- dedi ol Volonterlik qyzmetti damytý jónindegi halyqaralyq onlaın konferentsııa barysynda.
Onyń aıtýynsha, Volonterler jyly aıasynda «Birgemiz» baǵdarlamasynyń «Birgemiz, saýlyq» jobasy iske asyryldy. Joba aıasynda Almaty, Qyzylorda, Petropavl qalalarynda eriktilerge kómektesý jáne keńes berý ortalyqtary quryldy. Sonymen qatar respýblıkanyń 14 oblysynda volenterlerge kómek kórsetý jáne keńes berý keńseleri ashyldy.
«Jyl boıy qatarymyzǵa kóptegen azamat qosyldy. Dál qazir «Birgemiz, saýlyq» jobasy aıasynda 1 258 adam qyzmet atqarady. Іndet kezinde kóptegen jumys isteldi. Onyń ishinde eń qıyny volonterlerimiz provızorlyq statsıonarlarda jumys istedi. Aýyr óttegi balondaryn kóterdi jáne dárigerler men medbıkelerge qajetti kómek kórsetti. Volonterlerdiń taǵy bir toby dárigerlerdiń úılerinde qalǵan balalaryna qamqorlyq jasady. Sonymen qatar eriktilerimiz respýblıka turǵyndaryna keńes berý jumysymen de aınalysty», - dedi Arman Qasymov.