«Birgemiz» qorynan taǵy muqtaj 100 myńnan astam otbasy 50 myń teńgeden aldy
«Elbasy, «Nur Otan» partııasynyń Lıderi Nursultan Nazarbaevtyń tapsyrmasymen «Birgemiz» qoǵamdyq qory tólem jasaýdyń 5-shi tolqynyn aıaqtady. Elimizdiń barlyq óńiri boıynsha taǵy eń muqtaj 100 myńnan astam otbasy 50 myń teńgeden aldy. Sonymen, barlyǵy 650 myńnan astam otbasy nemese 2,2 mln qazaqstandyq tikeleı qarjylyq qoldaýmen qamtyldy», dep jady Baýyrjan Baıbek Facebook -te.
Sondaı-aq, qor qarajaty esebinen 2 myńnan astam medıtsına qyzmetkerine qoldaý kórsetildi. Sý basýdan zardap shekken Maqtaaral turǵyndaryna 20 jańa úı salyndy.
⠀»Jalpy, #BizBirgemiz aktsııasynyń aıasynda 320 myńdaı otbasy azyq-túlik sebetterimen jáne birinshi kezekte qajetti taýarlarmen qamtamasyz etildi. Halyq arasyndaǵy qorǵanysy álsiz 100 myń otbasyǵa 5 mıllıon maska tegin taratyldy.
⠀Elbasy bastamasymen qorǵa 34 mlrd teńgedeı qarajat jınaǵan barsha demeýshiler men metsenattarǵa taǵy da alǵys aıtqym keledi. Koronavırýspen kúres kezeńinde muqtajdarǵa qoldaý kórsetý boıynsha osynaý ıgi iske atsalysa otyryp, elimiz ben halqymyz qajyrlylyq pen aýyzbirshiliktiń úlgisin kórsetti», - dep túıindedi B. Baıbek.
