«Birgemiz» qoryna qansha qarjy túskeni belgili boldy

NUR-SULTAN. QazAqparat – «Birgemiz» qoryna 13 mlrd teńge tústi. Bul týraly QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«Birgemiz» qoryna toqtalsaq, búginde qorǵa 13 mlrd teńge tústi. Qarjy ashyqtyǵyn qamtamasyz etý úshin barlyq óńirde qor ókildikteri ashyldy», - dedi mınıstr «Habar 24» telearnasynyń tikeleı efırinen.

Osy oraıda mınıstr qordyń saıty iske qosylǵanyn atap ótti.

«Onda kelip túsken qarajat pen shyǵyndar jarııalanady, tipti, chekterge deıin kórsetiledi. Qazir ár óńirde kómekke muqtaj adamdardyń tizimi jasalýda. Olar jaqyn ýaqytta qordan kómek alady», - dedi Dáýren Abaev.

Aıta keteıik, Elbasy bastamasymen qurylǵan «Birgemiz» qoǵamdyq qoryna elimizdiń barlyq óńirinen qaıyrymdylyq retinde qarajat túsip jatyr.

Buǵan deıin «Birgemiz» qoǵamdyq qory ustanatyn negizgi 10 qaǵıda jarııalanǵan edi.