«Birgemiz» qoǵamdyq qorynyń resmı saıty iske qosyldy

NUR-SULTAN. QazAqparat - «Birgemiz» qoǵamdyq qory túsken qarajat pen aımaqtar boıynsha kórsetilgen kómek týraly barlyq aqparat turaqty túrde jarııalanyp otyratyn birgemiz2020.kz resmı saıtyn iske qosty, dep habarlaıdy QazAqparat tilshisi.

Portaldy eriktiler tegin jasap bergen.

Munda barlyq qaıyrymdylyqtar bólek baǵanda kórsetiledi. Qarajat túsken saıyn jańartylyp otyrady. Kompanııalardyń jarnalary «Qaıyrymdylyq jasaýshylar men seriktester» segmentinde kórsetilgen. Sonymen qatar jaǵdaıǵa beıjaı qaramaıtyn qazaqstandyqtar saıtta kórsetilgen derekter boıynsha erikti bolýǵa nemese qarjylyq kómek jiberýge ótinish qaldyrý múmkindigine ıe.

Sondaı-aq, uıymnyń saıtynda árbir aımaqtyq qor týraly aqparat beriledi. Munda muqtaj adamdar óz óńirindegi qormen tikeleı baılanysyp, suraq qoıýy úshin jergilikti jerdegi jaýapty tulǵalar men olardyń baılanys málimetteri kórsetiledi.

«Biz úshin qor jumysynyń ashyqtyǵyn kórsetý óte mańyzdy. Sondyqtan saıtqa kirýshilerdiń árbiri bul jerden banktik úzindi kóshirmelerimen birge usynylatyn esepterdi taba alady. Qıyn kúnderde otandastarymyzdy qoldaý úshin qaıyrymaldyq jasaǵan barlyq qazaqstandyqtarǵa jáne elimizdiń kompanııalaryna alǵys aıtamyz», - dedi qor tóraǵasy Rýslan Sákeev.

Eske sala keteıik «Birgemiz» qoǵamdyq qory elimizdiń Tuńǵysh Prezıdenti Nursultan Nazarbaevtyń bastamasymen COVID-19 pandemııasy jaǵdaıynda turǵyndardyń áleýmettik álsiz toptaryn qoldaý maqsatynda 2020 jyldyń 20 naýryzynda qurylǵan edi.