«Birgemiz» qoǵamdyq qoryna qaıyrymdylyq qarajaty erikti túrde jınalýy tıis - Aıdos Úkibaı
«Búginde «Birgemiz» qoǵamdyq qory qaıyrymdylyq qarajatyn bıznes-qoǵamdastyqtar men kásipkerlerden ǵana jınap jatyr. ıAǵnı, eń birinshi kezekte Elbasy úndeýi joldanǵandardan ǵana«, - dep atap ótti ol Twitter-degi jazbasynda.
Osy oraıda Aıdos Úkibaı elimizdiń birqatar óńirinde bıýdjettik sala qyzmetkerlerinen «Birgemiz» qoǵamdyq qoryna májbúrli túrde qaıyrymdylyq qarajaty jınalyp jatyr delingen aqparattyń taralǵandyǵyn atap ótedi.
«Mundaı «bastamalarǵa« jol berýge bolmaıdy. Barlyq qaıyrymdylyq tek qana erikti túrde júzege asyrylýy tıis», - dedi Elbasynyń baspasóz hatshysy.
«Nur Otan» partııasynyń hatshysy Arman Qyryqbaev ta Facebook paraqshasynda birqatar oblystardan koronavırýspen kúresý úshin bıýdjettik sala qyzmetkerlerin birkúndik jalaqylaryn aýdarýǵa májbúrlegen áreketterge shaǵymdanǵan hattar kelip túsip jatqanyn jazdy.
«Nur Otan» partııasy mundaı áreketterge úzildi-kesildi qarsy. Kerisinshe, dál qazirgideı qıyn jaǵdaıda bastaryn qaterge tigip, aldyńǵy qatarda turǵan dárigerlerge, qoǵamdyq qaýipsizdikti qamtamasyz etetin polıtsııa qyzmetkerlerine, sondaı-aq, jumystaryn qashyqtan isteýdi jalǵastyryp jatqan muǵalimderge qoldaý kórsetý qajet. Koronavırýspen birlesip kúresý úshin qarajat jınaýǵa tek iri bıznes ókilderi ǵana shaqyryldy. Onyń ishinde, kómek qolyn sozýǵa ózderi nıet bildirgen, eń bastysy, oǵan qarjylaı múmkindigi barlar ǵana jumyldyryldy. Eger siz jumys berýshi tarapynan osyndaı zańsyz áreketterge tap bolsańyz, bizge tómende kórsetilgen baılanystar arqyly dereý habarlaýyńyzdy ótinemiz«, - dedi partııa hatshysy.
