Birgemiz: Qapshaǵaıda 81 muqtaj otbasyna azyq-túlik taratyldy

QAPShAǴAI. QazAqparat - Almaty oblysynda «Biz birgemiz» aktsııasyna úles qosýǵa yntaly adamdar qatary kóbeıýde. Ásirese, metsenattar men qoǵamdyq uıymdar tarapynan áleýmettik az qamtylǵan otbasylarǵa qol ushyn sozýdyń jaqsy úrdisi qalyptasýda, dep habarlaıdy QazAqparat tilshisi.

Qaıyrymdylyq aqtsııasyna Qapshaǵaı qalasynyń kásipkerleri de úles qosyp jatyr. Buǵan deıin yntaly top qaladaǵy 342 otbasyna tegin azyq-túlik taratqan eken.

Al kúni keshe qalalyq kásipkerlik bólimi, jumyspen qamtý jáne áleýmettik baǵdarlamalar bólimi, «Nur Otan» partııasynyń Qapshaǵaı qalalyq fılıaly men eriktiler birigip, «Biz birgemiz» aktsııasyna taǵy ún qosty. Shara barysynda bir kún ishinde 81 otbasyna áleýmettik azyq-túlik paketi berilgen.

Mundaı kómekti eń aldymen az qamtylǵan áýletter, múgedekter, jalǵyzbasty qarııalar men kóp balaly otbasylar alyp jatyr.

Alakól aýdanynyń kásipkerleri de koronavırýs indetin jedel anyqtaýǵa arnalǵan test alyp berdi. «Belgibaev» JK basshysy Nurlan Belgibaev 60 testi aýdan ákiminiń qolyna tabystady.

Osyǵan deıin de ol Alakól aýdanynyń turǵyndaryna dene qyzýyn ólsheýge arnalǵan 30 pırometrdi syıǵa tartqan bolatyn.