Birgemiz: Atyraý oblysynda kásipker 45 otbasyna azyq-túlik taratty
ATYRAÝ. QazAqparat – Atyraý oblysynda kásipker Mahambet aýdanynyń ár orkýginde turatyn 45 otbasyna tegin azyq-túlik taratty, dep habarlaıdy QazAqparat.
«Birgemiz» qaıyrymdylyq aktsııasyna «BatysAlıansStroı» JShS dırektory, Atyraý oblystyq máslıhatynyń depýtaty Ádil Jubanov ta qatysty. Ol Mahambet aýdanyndaǵy Saraıshyq, Beıbarys, Sarytoǵaı aýyldyq okrýgterinde turatyn 45 otbasyna azyq-túlik jıyntyǵyn jetkizip berdi.
«Qaıyrymdylyq kórsetý – halqymyzǵa tán izgilikti is. Bul – bir jaǵynan aýyldastarymyzǵa qıyn sátte qoldaý bildirý, ekinshiden keıingi urpaqty meıirimdi bolýǵa, ultqa qyzmet etýge tárbıeleý. Kómekke muqtaj otbasylardyń tizimin okrýg ákimderi arqyly alyp, olarǵa azyq-túlik sebetin jetkizip berdik», - deıdi kásipker Álil Jubanov.
Kásipker usynǵan azyq-túlik sebetinde un, qant, makaron, kúnbaǵys maıy, et konservileri sekildi áleýmettik mańyzy bar azyq-túlik túrleri bar.
