#Birge #TazaQazaqstan: Shyǵysqazaqstandyqtar 800 tonnadan astam qoqys jınady
ÓSKEMEN. QazAqparat - Búgin Shyǵys Qazaqstan oblysyndaǵy 19 qala men aýdanda bir mezette ótken #Birge #TazaQazaqstan atty ekologııalyq aktsııasy kezinde 800 tonnadan astam qoqysty tazartty, dep habarlaıdy QazAqparat.
Oǵan óńirldiń 33 myńnan astam turǵyny jınalyp, demalys oryndarynyń aýmaǵyn qoqystan tazartýǵa qatysty. Sóıtip, birneshe saǵattyń ishinde 800 tonnadan nemese 3 206 tekshe metrden astam qoqys jınalyp, araldar men saıabaqtar, ózen jaǵalaýlary, qazanshuńqyrlar (kotlovan), sondaı-aq Polkovnıchıı men Komsomol araldary, Úlbi jaǵalaýy qalpyna keltirildi.
- Biz bul aktsııaǵa qatysqanymyzǵa qýanyshtymyz. Shyǵys Qazaqstan árdaıym ásem tabıǵatymen kóz tartady. Sol sebepten biz óńirimizdiń odan saıyn qulpyryp, gúldenýine úles qosýymyz kerek. Biz mańaıdy jınap júrgen kezde ekologııamyzǵa zııan keltiretin plastık ydystardy kóptep jınadyq. Sondyqtan bárimiz tabıǵatty aıalap, árkim óz sońynan qoqysty jınap júrse eken degen tilegimiz bar, - deıdi Óskemen qalasynyń turǵyny Málıka Elýbaeva.
Aktsııaǵa qatysýshylarǵa Shyǵys Qazaqstan oblysy ákiminiń birinshi orynbasary Erlan Aımuqashev alǵysyn bildirdi.
- Qorshaǵan ortany qorǵaýdy árqaısymyz ózimizden bastaýymyz kerek. Bul bizdiń keler urpaq aldyndaǵy paryzymyz. Atalmysh aktsııany dástúrge aınaldyrý úshin biz jastarǵa úlgi kórsetýimiz kerek, - dedi ol.
