#Birge #Taza Qazaqstan: SQO-da 200-den astam kól jaǵasy tazalandy

PETROPAVL. QazAqparat –Soltústiktikqazaqstandyqtar da #Birge #Taza Qazaqstan respýblıkalyq ekologııalyq is-sharasyna ún qosyp, 200-den astam kól jaǵalaýyn qoqystan tazartty, dep habarlaıdy QazAqparat tilshisi.

SQO Óńirlik kommýnıkatsııalar qyzmetiniń habarlaýynsha, ekologııalyq aktsııaǵa 14 myńnan astam oblys turǵyny qatysty. Іs-sharany óńir basshysynyń orynbasary Rýslan Álishev ashty.

«Bul bastama bizdiń óńirde ekologtardyń usynysymen qolǵa alynyp, jurtshylyqqa sý qoımalaryn, kópshilik demalatyn oryndardy birge tazalaýǵa, tártipke keltirýge úndeý tastaldy. Endeshe bárimiz bul ıgi isten shet qalmaı, tazalyqqa, qorshaǵan ortany tártipke keltirýge óz úlesterimizdi qosaıyq», - dedi SQO ákiminiń orynbasary Rýslan Álishev.

Ekochellendjge memlekettik qyzmetkerler, qoǵam ókilderi, volonterler men qala turǵyndary qatysty.

«Búgin osyndaı aýqymdy ekologııalyq is-shara ótip jatyr. Oǵan qatysyp, az da bolsa óz úlesimdi qosqanyma qýanyshtymyn. Qalamyz taza bolsa eken deımin, óıtkeni densaýlyq tikeleı tazalyqqa baılanysty. Aınalamyzdy taza ustaý bizdiń ortaq mindetimiz», - deıdi Petropavl qalasynyń turǵyny Galına Kolomıts.

SQO boıynsha Ekologııa departamenti jetekshisiniń mindetin atqarýshy Azamat Bektasovtyń aıtýynsha, aktsııa aıasynda 126 myń tonna qoqys jınaldy. Nátıjesinde 350 myń sharshy metr aýmaq tazalandy.

Esterińizde bolsa, #Birge #TazaQazaqstan respýblıkalyq aktsııasy QR Ekologııa, geologııa jáne tabıǵı resýrstar mınıstri Maǵzum Myrzaǵalıevtyń bastamasy.

Igi sharany Memleket basshysy Qasym-Jomart Toqaev qoldady.