«Birge» saı̆ty: Astana turǵyndarynan qandaı usynystar túsip jatyr
NUR-SULTAN. QazAqparat – Nur-Sultan qalasyn turǵyndarmen birlese otyryp damytý maqsatynda ashylǵan «Birge» saı̆tyna 10 kún ishinde 130 usynys tústi. Bul týraly elorda ákimi Altaı Kólginov málim etti, dep habarlaıdy QazAqparat.
Qala basshysy túrli baǵyttar boıynsha kelip túsken 130 usynystyń keıbirine toqtalyp ótti.
«Mysaly, bilim berý salasy boı̆ynsha stýdentter qoǵamdyq kólikte tólem jasaı alatyndaı biryńǵaı̆ stýdenttik karta jasaý usynyldy. Kartaǵa stýdentterdiń shákirtaqysy, ýnıversıtetke kirip-shyǵý da baı̆lanystyrylady. Sondaı̆-aq, ony qala mekemelerinde jeńildik talony retinde paı̆dalanýǵa bolady. Qyzmeti osyǵan uqsas kartany buǵan deıin mektepterde iske qosqan edik», - dep jazdy A.Kólginov Instagram-da.
Astananyń taǵy bir turǵyny Beı̆bitshilik jáne kelisim saraı̆y (Pıramıda) aýdanynda sholý alańyn qurýdy usynǵan. Ákimniń aıtýynsha, bul aýmaqta bıyl qoǵamdyq keńistikti keńeı̆tý jáne abattandyrý arqyly aýqymdy kógaldandyrý jumystary jalǵastyrylady.
«Sondaı-aq jaıaý júrginshiler ótkeline de baı̆lanysty ıdeıalar aı̆tyldy. Túnde baǵdarsham jaryǵyn kúsheı̆tý usynyldy, «kúshti jaryq júrgizýshige jaıaý júrginshilerdiń bary týraly sıgnal beredi«. Bul joba biz úshin óte mańyzdy. Pılottyq joba retinde Qabanbaı̆ batyr dańǵyly men Atasý kóshesiniń qıylysynda jaıaý júrginshiler ótkelin iske qostyq. Tańdalǵan oryn qarańǵyda úsh jaryqdıodty proektordyń arqasynda erekshelenedi. Júrgizýshiler men jaıaý júrginshiler kez kelgen aýa raı̆ynda jaryqtandyrylǵan jaıaý júrginshiler jolaǵyn kóre alady. Eger osy joba óziniń paı̆dasyn kórsetse, jol trafıgi joǵary basqa ýchaskelerge de engizemiz», - dedi qala basshysy.
Sondaı-aq málim etilgendeı, elorda turǵynynyń birinen senimsiz taýar jetkizýshiler men qyzmet usynýshylardy izdeı̆tin biryńǵaı̆ júı̆e jasaý boı̆ynsha usynys túsken. Budan bólek, Astra Bus qosymshasyn 2GIS mobıldik qosymshasymen ıntegratsııalaý, jyly aıaldamalar bazasynda shaǵyn sýpermarketter ashý jáne ózge de jobalar bar.
«Ózderińiz biletindeı̆, «Birge« saı̆tynyń jumysy turǵyndardyń qalany damytý jónindegi usynystary biryńǵaı̆ bazaǵa túsýi jáne elordamyzdy birlesip damytýymyz úshin iske qosyldy. Platforma qarapaı̆ym: birinshi - ıdeıany usyný, ekinshi - irikteý, úshinshi - jobany júzege asyrý.
Qalada turǵyndardyń eń jaqsy usynystaryn júzege asyramyz. Elordany «Nur-Sultan - jaı̆ly qala« master-jospary aıasynda damytýdamyz, qalany shynymen jaı̆ly ete alamyz», - dep túıindedi Altaı Kólginov.
Buǵan deıin Nur-Sultan qalasy ákiminiń orynbasary Baqtııar Máken atalǵan saıttyń qala turǵyndary úshin tıimdiligi jóninde aıtyp bergen edi.
