«Bireýdiń menshigine kóz súzetinderdiń kúderi úzildi» -respýblıkalyq basylymdarǵa sholý
***
«Aıqyn» basylymynyń búgin shyqqan aptalyq nómirinde «Alqyzyl alaý Almatyǵa jetti» degen taqyryppen maqala basyldy. Maqalada 11 qańtarda Ál-Kýáıt qalasynda tutandyrylǵan VІІ qysqy Azııa oıyndarynyń alaýy keshe, 12 qańtarda Almatyǵa jetkizilgeni baıandalady. «Keshe alqyzyl alaý Almatyǵa jetti. Tarıhı oqıǵanyń kýási bolý úshin osy sala basshylary men mamandary, ataqty sportshylar, BAQ ókilderi jáne jankúıerler áýejaıǵa kóptep jınaldy. Alǵashqy bolyp sóz alǵan qala ákimi Ahmetjan Esimov barsha qazaqstandyqtarǵa quttyqtaý sózin arnap, sport salasyn damytý maqsatynda memleket basshysy tarapynan júzege asyp otyrǵan ıgi sharalar jaıynda áńgimeledi. Birer ýaqyt áýejaıda turaqtaǵan alaý kóp uzamaı qala kóshelerin kezip ketti», - delingen onda. Basylymnyń jazýynsha, alaýgerler qatarynan ataqty sportshylarmen qatar, memleket jáne qoǵam qaıratkerleri, áıgili ánshiler jáne basqa da sala mamandary boldy. Jalpy, alaýdy alyp júrý qurmetine respýblıkamyzdyń 1020 azamaty ıe boldy. Olardyń arasynda 80 adam Almatynyń, 100 adam Astananyń turǵyndary bolsa, ár aımaqtan 60 adamnan iriktelinip alyndy.
«Qoıan jyly qut ákelgeı». «Aıqyn» gazetinde osyndaı taqyryppen basylǵan maqalaǵaÚkimettiń aǵymdaǵy jylǵy alǵashqy otyrysynda talqylanǵan eldiń azyq-túliktik qaýipsizdigine qatysty másele arqaý bolǵan. Maqalada atap kórsetilgenindeı, otyrysta qobaljyǵan kóńilderdi sabasyna túsirerdeı mańyzdy málimdeme jasaldy. «Úkimetbasyǵa baıandaǵan Aýyl sharýashylyǵy mınıstri Aqylbek Kúrishbaev qolda bar «astyq kólemi eldiń nanǵa degen ishki qajettiligin qamtamasyz etýge tolyq jetkilikti» ekendigine sendirdi. Mınıstrdiń aıtýynsha, qor tipti keıbir qazaq astyǵyna kúni qaraǵan jatjurttardyń jandaryn ash qaldyrmaýǵa da jetip qalýy kerek. «Aǵymdaǵy jyldyń 1 qańtaryndaǵy jaǵdaı boıynsha respýblıkada 9,3 mıllıon tonna astyq bar, - dedi Aqylbek Kúrishbaev. - Onyń 2,6 mıllıon tonnasy - turaqtandyrý qorynyń astyǵy, ol qol qoıylǵan memorandýmdar boıynsha, bekitilgen baǵamen satylady. Atalǵan astyq aýqymy, jańa orý naýqanyna deıin, eldiń nanǵa degen ishki qajettiligin tolyq qamtamasyz etýge jáne eksporttyq naryqtarǵa erterekte josparlanǵan kólemderde jetkizýge jetkilikti» dep nyqtady AShM basshysy», - delingen maqalada.
***
Al «Alash aınasy» basylymynyń búgingi sanynda «Astanadaǵy zıratty ulttyq qabirstanǵa aınaldyrý qajet» degen maqala jarııalandy. Parlament depýtattary kótergen másele tóńireginde sóz qozǵaǵan basylym tilshisiniń jazýynsha, táýelsizdigimiz 20-ǵa tolǵan tusta Alashtyń arda qaıratkeri Smaǵul Sádýaqasulynyń súıek kúlin týǵan topyraǵyna ákelip, jer qoınyna tapsyrý máselesi jıi aıtylyp júr. Ult qaıratkeriniń týǵanyna 110- jyl, ómirden ozǵanynan 77 jyl tolýy qarsańynda Máskeýdiń «Donskoe kladbışesinde» saqtalyp kelgen S.Sádýaqasulynyń denesiniń kúlin týǵan elge ákelip, musylman ǵurpymen jerleý rásimin júzege asyrý, sózsiz, Táýelsizdik tarıhyndaǵy zor oqıǵalar qatarynan sanalmaq. Avtordyń jazýynsha, depýtattar sonymen qatar elorda ortalyǵyndaǵy bes ǵasyrlyq tarıhy bola tura, qaraýsyz qalǵan qorymdy ulttyq panteonǵa aınaldyrý máselesin kótergen. Bul jaıynda tolyq bilgińiz kelse, gazettiń búgingi nómirine kóz jiberińiz.
Sondaı-aq atalmysh basylym búgingi nómirinde sanynda «Bireýdiń menshigine kóz súzetinderdiń kúderi úzildi» degen taqyryppen maqala basty. Onda Memleket basshysynyń «Bıznes pen menshikti zańsyz basyp alýǵa (reıderlik) qarsy kúres máseleleri boıynsha zańnamaǵa ózgerister men tolyqtyrýlar engizý týraly» zańǵa qol qoıǵandyǵy aıtylady. Atalmysh qujat bireýdiń ıeligindegi menshikti zańsyz basyp alý áreketine qarsy baǵyttylady. ıAǵnı osymen elimizde keńinen taraǵan reıderlik áreketterge toqtam salatyn ýaqyt jetken sııaqty. Maqalada bul másele jan-jaqty ári tereń taldanǵan.
***
«Kazahstanskaıa pravda» gazeti búgingi sanynda «Tarıfy vprok, a ne v karman» atty maqala jarııalady. Maqalada keshe ótken Tabıǵı monopolııaardy retteý agenttiginiń 2010 jyldyń qorytyndylaryna arnalǵan keńeıtilgen alqa májilisinde kóterilgen máseleler baıandalady. Avtordyń jazýynsha, otyrysta Úkimet basshysy Kárim Másimov eldegi kommýnaldyq tólemdermen baılanysty problemalardyń barlyǵy tarıf baǵasynyń ósýine emes, energııany únemdeı almaýǵa baılanysty bolyp otyrǵandyǵyn aıtqan. Al energııany únemdi paıdalanyp, qýat kózderin jóndeý men qaıta jańartýdy qalaısha júzege asyrýǵa bolady?. Bul saýaldyń jaýabyn joǵarydaǵy maqaladan taba alasyz.
