Bireýdiń qolynan ajal qushqan sýdıa týraly tyń derekter
KÓKShETAÝ. QazAqparat-Qaskóıdiń qolynan ajal qushqan Aqmola oblysynyń qylmystyq ister boıynsha apellıatsııalyq sot alqasynyń tóraıymy Janna Qaıratqyzy Berdiǵulovanyń 28 jyldan astam ýaqyt sot júıesinde qyzmet atqarǵany belgili boldy, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Janna Qaıratqyzy 1971 jyly Qaraǵandy qalasynda dúnıege kelgen. Eńbek jolyn Joǵary Sot otyrysynda hatshy retinde bastap, 28 jyldan astam ýaqyt sot júıesinde qyzmet atqardy.
1998 jyldan Batys Qazaqstan oblysynyń Oral qalalyq sotynyń sýdıasy, 2003 jyldan Batys Qazaqstan oblystyq sotynyń sýdıasy, 2007 jyldan Almaty oblystyq sotynyń sýdıasy, 2012 jyldan Almaty oblysynyń mamandandyrlyǵan aýdanaralyq ákimshilik sotynyń tóraıymy, 2014 jyldan Aqmola oblysynyń qylmystyq ister boıynsha apellıatsııalyq sot alqasynyń tóraıymy qyzmetinde boldy.
«Óziniń kásibıligi men mamandyǵyna berilgendiginiń arqasynda Janna Qaıratqyzy jas mamandar men sýdıalarǵa úlgi, ónege bola bildi. Sýdıalar qoǵamy ony jaqsy adam ǵana emes, óz isiniń maıtalman sheberi, ádil ári kásibı sýdıa dep jadynda saqtaıtyn bolady», dep kórsetilgen habarlamada.
Eske sala keteıik, Aqmola oblysynyń qylmystyq ister boıynsha apellıatsııalyq sot alqasynyń tóraıymy Janna Qaıratqyzy Berdiǵulova aǵymdaǵy jyldyń 13-shi maýsymy kúni óz úıindeóltirilgen bolatyn.
ІІD baspasóz qyzmetiniń málimeti boıynsha 1971 jylǵy áıeldiń múrdesi óz úıindegi jýynatyn bólmeden tabylǵan. Marqumnyń moınynan qylqyndyrý býyndyrý áreketiniń belgileri anyqtaldy. Osy oqıǵaǵa kúdikti 1984 jylǵy kókshetaýlyq ustaldy. Kúdiktiniń osyǵan deıinde aýyr qylmys jasaǵany úshin sotty bolǵany anyqtaldy.
Qazirgi kezde, kúdikti ýaqytsha ustaý oqshaýlaǵyshyna toǵytylyp, ústinen QR QK 99 baby (adam óltirý) boıynsha qylmystyq is qozǵalyp otyr.
