Biregeı jáne áleýmettik mańyzdy ázirlenimderdi jasaǵan nemese jobalaǵan adamdarǵa kómektesetin bolamyz - Á. Isekeshev
áýirdiń 28-i. QazAqparat /Ernur Aqanbaı/ - Biregeı jáne áleýmettik mańyzdy ázirlenimderdi jasaǵan nemese jobalaǵan adamdar Indýstrııa jáne jańa tehnologııalar mınıstrligine ótinish jasasyn, bizdegi arnaıy departamentter olardyń usynystaryn mindetti túrde qaraıtyn bolady. Bul týraly búgin BNews.kz portalynda ótken online-konferentsııada vıtse-premer-ındýstrııa jáne jańa tehnologııalar mınıstri Áset Isekeshev aıtty,
dep habarlaıdy QazAqparat.
«Qazir Qazaqstanda jańashyldar úshin «altyn kezeń» týyp otyr. Árıne, ónertabystardyń barlyǵy birdeı ekonomıkalyq jaǵynan tıimdi bola bermeıdi. Alaıda, árbir ótinishti bizdiń arnaıy departamentterimiz, komıtterimiz zerttep, kómektesetin bolady», dedi Á. Isekeshev.
Vıtse-premerdiń sózine qaraǵanda, jan basyna shaqqandaǵy eńbek ónimdiligi eýropalyq elderdiń deńgeıinen kem túspeıtin otandyq kásiporyndar is júzinde «búgingi kúnniń batyrlary» bolýy tıis. «Olardy madaqtap, olarǵa shyn máninde jaqsy jaǵdaı jasaý qajet. Bundaı kásiporyndary tabý qajet, olar úlgi bolýy tıis, olar jaıly aıtý kerek», dedi Á. Isekeshev. Onyń sózine qaraǵanda, qazirgi tańda Qazaqstanda eńbek ónimdiliginiń deńgeıi jaǵynan AQSh-tyń, Batys Eýropa elderiniń kompanııalarynan kem soqpaıtyn kásiporyndar barshylyq.
