Biregeı qyzyl tústi gaýhar 2,1 mln. dollarǵa satyldy
ASTANA. 11 jeltoqsan. QazAqparat - Nıý-Iorktegi Christie's aýktsıon (bássaýda) úıi 3 karatty qyzyl tústi biregeı gaýhardy 2,1 mln. dollarǵa satty,
dep habarlady Reseı jańalyqtar agenttigi.
Bul bássaýdaǵa túsip, qomaqty somaǵa satylǵan taza qyzyl-sarǵylt tústes eń úlken gaýhar. Asa baǵaly tastyń quny 700 myń - 1,2 mln. dollardy qurady. Aıta ketken jón, qyzyl tús eń sırek kezdesetin almaz bolyp tabylady.
Álemde salmaǵy 5 karattan artyq 3 qyzyl tústi gaýhardyń bary belgili. Olardyń biri 5,03 karatty gaýhar tas Vashıngtondaǵy Smıtsonov jaratylystaný tarıhynyń murajaıynda saqtalǵan.
