Birden eki beldik ıelengen Jánibek Álimhanulynyń reıtıngi joǵarylady

NUR-SULTAN. QazAqparat - Sońǵy jekpe-jeginde birden eki tıtýlǵa ıe bolǵan kásipqoı boksshy Jánibek Álimhanuly tanymal BoxRec saıtynda kórsetkishin jaqsartty. Bul týraly Qazaqstan kásipqoı boksy federatsııasynan málim etti, dep habarlaıdy QazAqparat tilshisi.

«Sońǵy kezdesýindegi jeńisiniń arqasynda Jánibek Álimhanuly BoxRec bedeldi saıtynda óz dıvızıonynda kórsetkishin jaqsartty. Ol eki pozıtsııaǵa kóterilip, 52-shi orynnan kórindi», - delingen federatsııanyń VKontakte áleýmettik jelisindegi paraqshasynda.

Eske sala ketsek, 13 sáýirde qazaqstandyq boksshy Jánibek Álimhanuly (4-0, 1 KO) alǵashqy tıtýldyq aıqasyn ótkizgen bolatyn. AQSh-tyń Los-Andjeles qalasynda bolǵan jekpe-jekte ol Krıstıan Olıvaspen (16-4, 13 KO) judyryqtasyp, jeńiske jetti. Qazaqstandyq boksshy orta salmaqtaǵy WBO Global jáne WBC Continental Americas belbeýlerin ıelendi.

«Bul tek meniń ǵana emes, elimniń jeńisi. Búkil eldiń belbeýi. Jeńispen quttyqtaımyn! Sizderdiń qoldaýlaryńyzdy ózgeshe sezindim. Pikir qaldyrǵandaryńyz úshin úlken rahmet! Bul tek bastamasy! Alla qalasa, qazaq stılin álemge tanytamyz», - dep jazdy Jánibek Instagramda.