Birden 35 kólik soqtyǵysqan iri jol apatynan 4 adam kóz jumdy
ASTANA. QazAqparat - Grekııanyń Egnatııa tas jolynda iri jol apaty boldy, dep habarlaıdy Associated Press.
Oqıǵa saldarynan 4 adam ajal qushqan. Apattyń oryn alýyna shosse ýchaskeleriniń birinde jóndeý jumystarynyń júrgizilip jatýy sebep bolǵan. Júk mashınasynyń júrgizýshisi joldyń tarylǵanyn baıqamaı qalyp, bar jyldamdyǵymen jeńil avtokólikke kelip soǵylǵan, nátıjesinde jeńil kólikti órt shalǵan. Saldarynan taǵy 35-ten astam kólik zardap shekken. Qutqarýshylardyń málimetinshe, apattan eki áıel adam men bir er adam ajal qushqan, taǵy bir adamnyń múrdesi janyp jatqan kólikten syrtqa shyǵaryldy.
