Birde-bir týrıst qaraýsyz qalmaıdy – Korporatıvtik qor

NUR-SULTAN. QazAqparat – «Týrıstik qamqor» korporatıvtik qory qazaqstandyq týrısterge úndeý jasady, dep habarlaıdy QazAqparat.

«Qazir jaǵdaıdyń ońaı emestigin túsinemiz, alaıda dúrbeleńge de negiz joq. Elimizde qalyptasqan jaǵdaı demalysqa ketken azamattardy da, aldaǵy kúnderi saparlaıtyndardy da alańdatyp otyr. Birde-bir týrıst qaraýsyz qalmaıtynyn habarlaımyz, týroperatorlar múmkindiginshe týrısterdi qonaqúılerge ornalastyrý, Qazaqstanǵa jóneltý jáne uıymdastyrý boıynsha barlyq sharalardy jasaıdy», - dep jazdy «Týrıstik Qamqor» Instagram-daǵy paraqshasynda.

Sonymen birge, atalǵan qor syrtta júrgen týrısterge kómek kórsetýge qatysady jáne týrıstik kody bar barlyǵyna qoldaý kórsetýge kepildik beredi.

«Áýe kompanııalary reıster uıymdastyrdy, búgin Phýketten týrıster jetkizilýi múmkin. Jaqyn kúnderi elden ushatyn týrıster boıynsha ázirge naqty algorıtm joq, veb-saıttardy, avıakompanııalardyń habarlamalaryn baqylap, týrıstik agenttiktermen jáne týroperatorlarmen baılanysta bolyńyz. Eń bastysy, dúrbeleńge túspeńiz jáne múmkindiginshe baılanysta bolyńyz. Bizdiń senim telefonymyz 8701 534 05 80, resmı saıt – www.fondkamkor.kz», - dep túsindirdi qor.