Birde-bir mınıstr, depýtat, ákim marapatsyz qalmaǵan - Prezıdent
TALDYQORǴAN. QazAqparat- Taldyqorǵandaǵy Saltanat saraıynda Jetisý jurtshylyǵymen kezdesken Prezıdent Qasym-Jomart Toqaev ustazdar men dárigerlerdi memlekettik marapattan tys qaldyrmaýǵa shaqyrdy, dep habarlaıdy QazAqparat tilshisi.
Prezıdent jyl sońynda, ıaǵnı, jeltoqsan aıynda mınıstr, depýtat, ákimderdiń omyraýy túrli nagradaǵa tolatynyn aıtty.
«Birde-bir mınıstr, depýtat, ákim nagradasyz qalmaǵan. Barlyǵynda orden bar. Ár bes jyl saıyn olar orden alady. Men túsine almaımyn. Al júz myńdaǵan ustazdar, dárigerler, jýrnalıster, jumysshylar memleket tarapynan marapatsyz qalyp jatady. Olar basqalardan az eńbektenip júrgen joq qoı. Sondyqtan, olar da nazardan tys qalmaýy kerek», - dedi Qasym-Jomart Toqaev.
