Bir jyldyń ishinde «Qazaqsha Vıkıpedııa» entsıklopedııasynda jaryq kórgen maqalalar sany 7 myńnan 136 myńǵa deıin artty
ASTANA. 16 shilde. QazAqparat - 2012 jyldyń 12-15 shilde aralyǵynda Vashıngton qalasynda halyqaralyq «Vıkımanııa-2012» konferentsııasy ótti.
Bul týraly QR-dyń AQSh-taǵy Elshiligi habarlady.
Vıkıpedııa tóńiregine toptasqan eriktilerdiń basyn qosatyn bıylǵy konferentsııa AQSh Memlekettik departamentiniń qoldaýymen uıymdastyryldy. 2003 jyldan bastap memlekettik departament quramynda «elektrondyq dıplomatııa keńsesi» dep atalatyn jańa bólimshe jumys isteıdi. Onyń mindeti - bilim men aqparat taratýdyń tıimdiligin arttyrý negizinde halyqaralyq máselelerdi sheshýdiń jańa joldaryn izdeý. Sonymen qatar, memlekettik departament quramyndaǵy bul keńse dıplomatııa men aqparattyq tehnologııalardy ushtastyrý negizinde qoǵamdyq dıplomatııanyń ınnovatsııalyq tetikterin damytady, osy maqsatta IT-tehnologııalar men áleýmettik jelilerdi qoldaný máselelerimen aınalysady.
80-nen asa eldiń delegattary kelgen halyqaralyq konferentsııa jumysyna AQSh, Ulybrıtanııa jáne Kanada úkimetteriniń resmı ókilderi jáne Vashıngtonda qyzmet etetin dıplomatııalyq mıssııalardyń jetekshileri qatysty.
Qazaqstan atynan konferentsııaǵa «Qazaqsha Vıkıpedııa» jobasyn júzege asyrýshy «WikiBilim» qoǵamdyq qorynyń ókilderi bardy.
Konferentsııanyń qurmetti qonaqtary qatarynda Qazaqstannyń AQSh-taǵy Elshisi Erlan Ydyrysov ta boldy. Qazaqstan Elshisi Vıkıpedııaanyń negizin qalaǵan Djımmı Ýeılspen kezdesip, onyń qazaq tildi Vıkıpedııaany damytý bastamasyna kórsetip jatqan qoldaýyna rızashylyǵyn bildirdi. Elshi «Qazaqsha Vıkıpedııa» jobasynyń Qazaqstan Respýblıkasy Úkimetiniń qoldaýymen jáne Premer-Mınıstr Kárim Másimovtiń qamqorlyǵymen júzege asyrylyp jatqandyǵyn erekshe atap ótip, Dj.Ýeılske Qazaqstan úkimetiniń resmı shaqyrýyn jetkizdi. Vıkıpedııanyń negizin qalaýshy shaqyrýdy qabyl alyp, ózi bastaǵan ǵalamdyq entsıklopedııanyń qazaqsha nusqasyn damytý jobasyna jaǵdaı jasap kele jatqan Qazaqstan Úkimetine alǵysyn jetkizdi. Sonymen qatar «WikiBilim» qoǵamdyq qorynyń jumysyna joǵary baǵa berip, qorda jumys isteıtin komandany «vıkı keńistiktegi sýperjuldyzdar» dep atady.
Konferentsııanyń ashylý saltanatynda sóz alǵan Djımmı Ýeıls Qazaqstandy erekshe atap ótip, qazaq Vıkıpedııasynyń qarqyndy damýyna nazar aýdardy. «Qazaqsha Vıkıpedııaa» jobasy qolǵa alynǵaly beri ǵalamdyq entsıklopedııanyń qazaqsha taraýyndaǵy maqalalar sany 7 myńnan 136 myńǵa deıin ósti. Maqalalardy jazatyn jáne óńdeıtin erikti redaktorlardyń sany 4 adamnan 250 adamǵa deıin kóbeıdi. Ótken jylǵy Vıkımanııa konferentsııasynda Qazaqsha Vıkıpedııa 2011 jyldyń úzdik Vıkı-jobasy atanǵan. Vıkıpedııanyń negizin qalaýshy Djımmı Ýeıls Qazaqstanǵa kelýge nıet bildirip, eldegi tulǵalarmen jáne ınternetke qyzyǵatyn jastarmen kezdeskisi keletinin jetkizgen edi.
