Bir jyldyń ishinde elimizdegi azyq-túliktiń baǵasy 3,3 paıyzǵa ósti
ASTANA. 1 qarasha. QazAqparat - 2013 jylǵy qazanda azyq-túlik taýarlarynyń baǵasy 2012 jylǵy qazanmen salystyrǵanda 3,3 paıyzǵa ósti. Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, 2013 jylǵy qazanda 2012 jylǵy tıisti aımen salystyrǵanda baǵa makaron ónimderine 8,2 paıyz, sút ónimderine - 4,7 paıyz, balyq jáne teńiz ónimderine - 4,3 paıyz, unǵa - 4,2 paıyzǵa ósken. Budan bólek, kofe, shaı jáne kakaonyń baǵasy 4,1 paıyzǵa, toqash jáne un ónimderi - 3,6 paıyzǵa, alkogoldi ishimdikter 3,4 paıyzǵa, kondıterlik ónimder 2,9 paıyzǵa, maı jáne toń maı 2,3 paıyz, nan 1,4 paıyzǵa qymbattaǵan. Sonymen bir mezgilde, baǵanyń tómendeýi jarmalarǵa 5,1 paıyz, qantqa - 2,3 paıyz, jemister men kókónisterge - 0,7 paıyz shamasynda baıqaldy.
«Atalǵan kezeńde et jáne et ónimderi baǵasynyń ósimi 2,9 paıyzdy qurady. Shujyq ónimderine baǵa deńgeıi 4,3 paıyz, jylqy etine - 4,1 paıyz, sıyr etine - 2,8 paıyz, qoı etine - 2,6 paıyz, shoshqa etine - 2,4 paıyz, qus etine - 0,7 paıyzǵa joǵary boldy», - delingen baspasóz baıanynda.
