Bir jylda úsh márte erlik jasap, adamdardy qutqarǵan patrýl marapattaldy
Tergeý men krımınaldyq polıtsııa basqarmalarynyń qyzmetkerlerimen sóılesip, olardyń materıaldyq-tehnıkalyq jabdyqtalýy men elektrondy formatta is júrgizýine kóńil bóldi.
Jeke qurammen kezdesýde polıtsııa departamentiniń basshysy qaladaǵy krımınogendik jaǵdaıǵa toqtalyp, jalpy 10 aıdyń jumys qorytyndysyn bólisti.
– Qylmystyń tirkelýi 9,6%-ǵa óskeni baıqalady. Bul obektıvti sebepterge jáne eń aldymen áleýmettik-ekonomıkalyq jaǵdaılarǵa baılanysty. Ósim negizinen múliktik jáne turmystaǵy qylmystarǵa baılanysty. Sonymen birge bıyl kisi óltirý, zorlaý, tonaý, qaraqshylyq jáne buzaqylyq syndy qylmystardyń sany tómendedi, – dedi Astana qalasy PD bastyǵy Marat Tólebaev.
Mınıstr qyzmet jetekshilerine, ýchaskelik jáne patrýldik polıtsııa ınspektorlaryna qoıylatyn talaptardy eske salyp, qoǵamdyq tártipti saqtaýda azamattardyń konstıtýtsııalyq quqyqtary men zańdylyqtyń tolyqtaı saqtalýyn qadaǵalaýdy tapsyrdy.
Sondaı-aq birqatar problemalyq máselelerge nazar aýdardy.
– Ózgerister birinshi basshydan bolýy kerek. Basshynyń kózqarasy, jumys stıli ózgerýi kerek. Birinshi talap kórsetkish emes, tirkelgen qylmystyń sany ósti dep sizderge eshqandaı talap qoıyp jatqan joqpyn. Obektıvti túrde kórsetý kerek ony. Jasyrmaýymyz kerek jaǵdaıdy. Biz aıtamyz ǵoı, problema sheshýge baǵyttalǵan tásilder dep, demek problema bar, ony anyqtap, kórsetip, onyń negizgi kózin joıý úshin jumylyp jumys isteýimiz kerek. Árıne, bul Astana, munda adam sany ósip jatyr, tirkelmegen qanshama azamattar bar. Eger qylmystyń shyǵý sebebin bilip otyrsańyzdar, soǵan shara qoldaný kerek. Ólshemderdiń ózgerýi degen osy, – dedi ishki ister mınıstri.
Astana qalasynyń ózge óńirlerge úlgi bolýy kerektigin alǵa tartqan vedomstvo basshysy jıynda qyzmetimen kózge túsken 12 qyzmetkerdi gramota, tósbelgi, medalmen marapattady.
Atap ótý kerek, marapattalǵandardyń arasynda kópirden sekirgen er adamdy qutqarǵan patrýldik polıtsııa qyzmetkerleri Samat Sábıt, Sáken Tasqyn men Rınat Muhamedjanov ta bar.
Olarǵa «Quqyq tártibin qamtamasyz etýge qosqan úlesi úshin» medali tabystaldy.
