Bir jylda sulýlyq qyzmetteri 17% ósken: Eń qymbat shashtaraz Astanada - 4166 teńge

ASTANA. QazAqparat - Osy jyldyń qańtar-qyrkúıek aralyǵynda shashtarazdar men sulýlyq salondary 24,4 mlrd teńgege qyzmet kórsetti, dep habarlaıdy QazAqparat.

Ulttyq statbıýro málimetine qaraǵanda, sulýlyq qyzmetin kórsetýshilerdiń baǵasy jyldyq mánde (2021 jyldyń qarasha aıymen salystyrǵanda) 17%-ǵa ósti.

Qarasha aıynda Qazaqstanda áıelderdiń shash qııý qyzmetiniń ortasha baǵasy 2 744 teńgeni qurady.

Óńirler arasynda bul qyzmet astanalyq hanymdar úshin qymbatqa shyǵady eken – 4 166 teńge, eń arzany Semeıde – 1 714 teńge.

Qalǵan qalalarda áıelderdiń shashyn qııý qyzmetiniń baǵasy 2 myńnan 3 myń teńgege deıin barady.

Elimizde erlerdiń shash qııý qyzmetiniń ortasha baǵasy áıelderge qaraǵanda sál arzan – 2 037 teńge.

Er azamattardyń shashyn alý baǵasy Almatyda eń qymbat – 2979 teńge, arzany Qyzylordada – 1355 teńge.

Basqa qalalardaǵy baǵa dıapazony - 1400-den 2500 teńgege deıin.