Bir jylda páterdi jalǵa berý baǵasy 70 paıyzǵa deıin qymbattaǵan

ASTANA. QazAqparat - Ulttyq statıstıka bıýrosy 2022 jyly turǵyn úı naryǵyndaǵy baǵa qalaı ózgergeni jaıly málimet usyndy, dep habarlaıdy QazAqparat.

2018 jyldyń naýryzynan beri qoldanystaǵy turǵyn úı naryǵyndaǵy baǵa alǵash ret arzandady.

Aılyq mánde (jeltoqsannan qarashaǵa qaraǵanda) páterlerdi qaıta satý baǵasy 1,5%-ǵa tómendedi.

Atap aıtqanda, baǵa Astana (5,1%-ǵa), Shymkent (2,7%) jáne Aqtaý (1,6%) qalalarynda túsken.

Sondaı-aq, jeltoqsan aıynda abattandyrylǵan turǵyn úıdi jaldaý aqysy aldyńǵy aımen salystyrǵanda 1,6%-ǵa arzandady.

Jańa turǵyn úıdi satý baǵasy, kerisinshe, 0,4%-ǵa qymbattady.

Turǵyn úı naryǵyndaǵy baǵanyń ózgerýi paıyzben, ósýi+, tómendeýi- 1 sharshy metriniń baǵasy, teńge 2022 jylǵy jeltoqsan Anyqtama: 2022 jylǵy qarasha 2021 jylǵy jeltoqsanǵa 2022 jylǵy qarashaǵa 2021 jylǵy qarashaǵa 2022 jylǵy qazanǵa Jańa turǵyn úılerdi satý 437 4591) 15,6 0,4 17,3 1,2 Páterlerdi qaıta satý 482 197 21,6 -1,5 26,9 1,0 Abattandyrylǵan turǵyn úıdi jalǵa alý tólemi 4 678 45,0 -1,6 48,6 -2,4

Bir jylda (2022-2023 jeltoqsan) qoldanystaǵy páter saýdasyndaǵy baǵa – 21,6%-ǵa, jańa turǵyn úıdi satý 15,6%-ǵa ósti.

Abattandyrylǵan turǵyn úıdi jalǵa berý tólemi aldyńǵy jylǵy tıisti aımen salystyrǵanda 2022 jylǵy jeltoqsanda 45% artty.

Óńirler arasynda jańa úıler jyldyq mánde Aqtóbe qalasynda 29,3%, Aqtaýda 26,6%, Semeıde 22,3% qymbattady.

Qoldanystaǵy páter saýdasyndaǵy baǵa Semeı (49,6%), Aqtóbe (42,4%), Qyzylorda (39,8%), Aqtaý (39,3%), Taldyqorǵan (32,9%) jáne Qostanaı qalalarynda qatty ósken (32,4%).

Al turǵyn úıdi jalǵa berý naryǵynda baǵa Almaty (70,5%), Qostanaı (54,6%), Qaraǵandy qalasynda (53,1%) qatty qymbattady.