Bir jylda koronavırýspen kúreske 21 mlrd teńge jumsaldy - ShQO

ÓSKEMEN. QazAqparat – Shyǵys Qazaqstan oblysynda byltyr koronavırýspen kúreske 21 mlrd teńge jaratyldy, dep habarlaıdy QazAqparat tilshisi.

Oblystyq Aqparat ortalyǵynda ótken baspasóz máslıhaty barysynda «Áleýmettik medıtsınalyq saqtandyrý qory» ShQO fılıalynyń basshysy Ǵalymjan Ábilov óńirde koronavırýspen kúreske qansha aqsha jumsalyp jatqanyn aıtyp berdi.

«Ótken jyly COVID-19 ınfektsııasynyń taralýyn boldyrmaý maqsatynda 21,5 mlrd teńge bólindi. Bul qarajat medıtsına qyzmetkerlerin yntalandyrýǵa, naýqastardy aýrýhanada emdeýge, PTR zertteýlerine, mobıldi brıgadalar men úıdegi statsıonarǵa jumsalǵan», - dedi ol.

Bir jylda juqpaly aýrýlar bólimshelerinde 9 mıllıard teńgeden astam somaǵa 18 myń adam koronavırýstan emdeldi. Al karantındik statsıonarlarda 73 mıllıon teńgeden astam qarajatqa 2400-den astam adam em-dom qabyldaǵan.