Bir jylda Qazaqstanda jeńil avtokólik óndirisi 38 paıyzǵa artty
NUR-SULTAN. QazAqparat - Qazaqstanda avtomobıl óndirisi artyp keledi. Bul týraly Energyprom.kz málim etti, dep habarlaıdy QazAqparat.
«Jyl ishinde jeńil avtokólik óndirisi 38 paıyzǵa ósti. Avtokólik quraldaryn, tirkemelerdi jáne jartylaı tirkemelerdi óndirý kólemi Qazaqstanda úshinshi jyl qatarynan artýda. Bul turǵyda bıylǵy qańtar-sáýirde osy ónimderdiń jalpy somasy 83,9 mlrd teńgege jetti. 2018 jylǵy qańtar-sáýirge qaraǵanda ónerkásiptik óndiris ındeksi 145,8 paıyzdy qurady», - delingen taratylǵan málimette.
Belgili bolǵandaı, 2019 jylǵy sáýirde otandyq avtozaýyttarda 4,05 myń kólik shyǵaryldy. Bul kórsetkish naýryz aıymen salystyrǵanda 39,5 paıyzǵa artyq jáne byltyrǵy sáýir aıyna qaraǵanda 65,8 paıyzǵa joǵary.
«Jalpy, 2019 jylǵy qańtar-sáýirde 12,87 myń avtokólik quraldary shyǵarylyp, bir jyldaǵy ósim 39,2 paıyzǵa jetti. Onyń ishinde 94 paıyzy jeńil kólikter (12,11 myń kólik), ıaǵnı 2018 jylǵy qańtar-sáýirmen salystyrǵanda 37,9 paıyzǵa artyq. Sonymen qatar, 307 júk kóligi, 203 avtobýs, 230 tirkeme, 17 arnaıy kólik óndirildi», - delingen Energyprom.kz habarlamasynda.
