Bir jylda ınflıatsııa 21,3%-ǵa jetti – Ulttyq bank
ASTANA. QazAqparat – Ulttyq bank tóraǵasy Ǵalymjan Pirmatov Úkimet otyrysynda elde ınflıatsııanyń aılyq kórsetkishi qubylyp otrǵanyn aıtty, dep habarlaıdy QazAqparat tilshisi.
«Qazaqstanda ınflıatsııanyń aılyq dınamıkasy 2022 jylǵy naýryz aıynda eń joǵary mánge jetken soń, birtindep tómendeýde, biraq ol aqpanda 1,3%-ǵa deıin azdap jedeldedi. Osylaısha aılyq ınflıatsııa qubylmaly bolyp tur jáne 5 jyl ishindegi ortasha jyldyq mánnen asatyn deńgeıge jetti. Jyldyq mánde aqpan aıyndaǵy ınflıatsııa qubylyp tur», - dedi Ulttyq bank basshysy.
Sondaı-aq, ol Ulttyq bank aqpan aıynda kezekti boljamdy raýndty aıaqtaǵanyn eske saldy.
«Jańa derekter men syrtqy jáne ishki faktorlardy eskere otyryp, ınflıatsııa boljamy bıyl 9-12%-ǵa deıin, 2024 jyly 6-8%-ǵa deıin qaıta qaraldy, 2025 jyly ózgerissiz – 4-6% deńgeıinde saqtaldy», - dedi ol.
