Bir jylda elimizdiń jalpy ishki ónimi 3,2 paıyzǵa ósti - statıstıka

ASTANA. QazAqparat – 2022 jyly elimizdiń jalpy ishki óniminiń ósimi 3,2 paıyzdy qurady, dep habarlaıdy QazAqparat tilshisi.

«Jedel derekter boıynsha 2022 jylǵy qańtar-jeltoqsandaǵy jalpy ishki ónimniń naqty kólem ındeksi 2021 jylǵy tıisti kezeńmen salystyrǵanda 103,2 paıyzdy qurady. Eń úlken ósimdi myna salalar kórsetti: qurylys – 9,4, aýyl, orman jáne balyq sharýashylyǵy – 9,1, kóterme jáne bólshek saýdada satý, avtomobılderdi jáne mototsıklderdi jóndeý – 5, kólik jáne qoımalaý – 3,9 jáne óńdeý ónerkásibi - 3,4 paıyz», - delingen Ulttyq statıstıka bıýrosynyń málimetinde.

Vedomstvonyń naqtylaýynsha, 2022 jylǵy qańtar-jeltoqsan boıynsha naqtylanǵan aldyn ala derekter osy jyldyń 21 sáýirinde jarııalanady.