Bir jylda elimizde 403,5 myń náreste dúnıege keldi

ASTANA. QazAqparat – 1 qańtardaǵy derek boıynsha Qazaqstannyń halyq sany 19 765 004 adam. Onyń ishinde qala turǵyndary – 12 208 259 bolsa, aýylda turatyndar – 7 556 745 adam. Bul týraly QazAqparat tilshisi Ulttyq statıstıka bıýrosyna silteme jasap habarlaıdy.

Bıýro usynǵan málimetke saı, bir jyl ishinde Qazaqstanda 403,5 myń náreste dúnıege keldi. Ótken jyly sáıkes kezeńde 450,7 myń bala týǵan edi. Eń joǵary týý kórsetkishi tirkelgen óńir - Mańǵystaý oblysy. Munda 1000 turǵynǵa shaqqanda 27 sábı týǵan. Bul shama Túrkistanda - 27, Shymkentte - 26 koeffıtsıentke teń.

Atalǵan kezeńde elimizde 134,7 myń adam qaıtys boldy. Ólim-jitimniń eń joǵary deńgeıi Soltústik Qazaqstan oblysynda. Munda 1000 turǵynǵa shaqqanda 11 adam kóz jumdy. Sonymen birge, Shyǵys Qazaqstan jáne Qostanaı oblystarynda da ólim derekteri jıi tirkelgen.

Al bir jylda 1 jasqa deıin 3 215 náreste shetinedi. 1000 adamǵa shaqqanda sábı óliminiń koeffıtsıenti 7,97-ge teńeldi.