Bir jylda álemdegi kedeılerdiń sany 64 mıllıon adamǵa ósti
ASTANA. Qyrkúıektiń 21-i. QazAqparat - Bıyl álem boıynsha sińiri shyqqan kedeılerdiń sany 64 mıllıon adamǵa artty,
byltyr kedeılerdiń qataryna qosylǵandar 40 mıllıondy quraǵan bolatyn. Dúnıejúzilik banktiń prezıdenti Robert Zellık Nıý-Iorkte ashylǵan Myńjyldyqtyń damý maqsattaryn oryndaý jónindegi BUU sammıtinde sóılegen sózinde osylaı málim etti, dep habarlaıdy «RIA «Novostı» agenttigi.
BUU málimetteri boıynsha, 1990-2005 jyldardyń aralyǵynda Jer betinde kedeı-kepshikterdiń sany 1,8 mıllıardtan 1,4 mıllıardqa deıin azaıǵan, biraq 2008 jylǵy daǵdarystan keıin olardyń sany qaıta kóbeıe bastaǵan. Amerıkandyq ekonomısterdiń sońǵy baǵalaýlary boıynsha, byltyr álem boıynsha joqshylyq jaǵdaıynda ómir súrgen adamdardyń sany 1,7 mıllıardty shamalaǵan.
