Bir jylda AQSh-ta 41 jappaı kisi óltirý oqıǵasy bolyp, 211 adam qaza bolǵan
NUR-SULTAN. QazAqparat – 2019 jyl — AQSh-ta jappaı adam ólimi eń kóp bolǵan jyl boldy, dep habarlaıdy QazAqparat VVS saıtyna silteme jasap.
Assoshıeıted press agenttiginiń, USA Today basylymynyń jáne Soltústik-Shyǵys Ýnıversıtetiniń zertteýine sáıkes, 41 oqıǵa bolyp, 211 adam qaza tapqan.
Jappaı adam ólimi dep shabýyl jasaýshylardyń jaǵynan bolǵan adam shyǵynan qospaǵanda, bir oqıǵadan tórt ne odan da kóp adamnyń kóz jumýyn aıtady.
2019 jyly AQSh-taǵy jappaı adam ólimi bolǵan oqıǵalar: mamyrda Vırdjınıı-Bıchta (Vırdjınııa shtatynda) 12 adamnyń jáne El-Pasoda tamyzda 22 adamnyń qaza bolýy.
Zertteýge sáıkes, jappaı kisi óltirý oqıǵalary Kalıfornııada kóp bolǵan.
Osyndaı 41 qandy oqıǵanyń 33-inde atys qarýy qoldanylǵan.
Bul statıstıka 2006 jyldan beri qurylyp keledi, biraq zertteýler 1970 jyldan beri júrgizilýde.
«2019 jyl jappaı kisi ólimi eń kóp bolǵan jyl boldy», - dep jazdy Assoshıeıted press. Jappaı adam ólimi sany boıynsha 2006 jyly da kóp bolǵan, ol kezdegi qurbandar sany – 38.
«AQSh-ta jappaı adam ólimi sany ósti», - dep atap ótti Mınnesotadaǵy ýnıversıtettiń krımınology men professory Djeıms Denslı. Onyń pikirinshe, mundaı qylmystar tolqyndarmen júrip jatyr, al keıde ony Amerıka qoǵamynda «ashý men kóńilsizdik ýaqytymen» baılanystyrýǵa bolady.
Tamyz aıynda Tehas El-Paso jáne Deıtondaǵy (Ogaıo) atystan keıin AQSh prezıdenti Donald Tramp avtomattyq vıntovkalardy satýǵa tyıym salýǵa erte dep málimdedi. «Biraq men, árıne, máseleni kóteremin. Qatań tekserýler engizýge suranys bar», - dedi Tramp. Ol jappaı atysty uıymdastyratyn adamdy psıhıkalyq aqaýymen baılanystyrady.
