Bir jylda 70 keli soýs jeıtin boıjetken
ASTANA. QazAqparat - Ulybrıtanııanyń Lınkoln qalasynda turatyn 19 jastaǵy Melıssa Ibıtson ár tamaqtanǵan saıyn, ıaǵnı kúnine úsh márte ketchýp tutynady. Ol osylaısha jylyna shamamen 70 keli qyzanaq soýsyn jeıdi. Al bul onyń óziniń salmaǵyna teń, dep jazady sheteldik BAQ.
Qyzdyń ketchýpty jaqsy kóretindigi sonshalyq meıramhanada qyzanaq soýsy bolmaǵan jaǵdaıda, tamaqtanbaı ketip te qalady eken. Sondaı-aq ol aptasyna keminde úsh bótelke ketchýp jeıdi.
Boıjetkenniń soýsqa degen mahabbatynda shek joq deýge de bolady. Máselen, ótken jyly ol týǵan kúnine tapsyrys bergen tort ketchýp bótelkesi pishininde jasalǵan bolatyn. Jalpy, mereke kúnderi de dostary oǵan qyzanaq soýsyn syıǵa tartýdy ádetke aınaldyrǵan.
Aıta keterligi, ketchýptyń bir bótelkesi ortasha eseppen 3 dollar turady desek, onda boıjetken jylyna tapqan tabysynyń 500 dollardan astamyn soýs satyp alýǵa jumsaıdy eken.
