Bir jylda 400 myńnan astam aqmolalyq elektrondy tsıfrlyq qoltańba alǵan

KÓKShETAÝ. QazAqparat - Aqmola oblysynda oblystyq qoǵamdyq keńestiń kezekti otyrysy ótip, onda memlekettik qyzmet kórsetý salasyndaǵy ózekti máseleler qaraldy, dep habarlaıdy QazAqparat.

Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov óz baıandamasynda memlekettik qyzmetterdiń sapasyn jáne tsıfrlandyrý arqyly halyq úshin qoljetimdiligin qamtamasyz etýge erekshe nazar aýdardy.

Ótken jyly memlekettik qyzmetterdiń 94,8% elektrondy túrde kórsetilgen. 443 myń adamǵa ETsQ berildi.

Sondaı-aq, B.Bespalınov baqylaý is-sharalarynyń qorytyndylary týraly habardar etti. Mysaly, departament 50 tekserý júrgizgen.

Tártiptik jaýapkershilikke 9 laýazymdy tulǵa tartyldy, jalpy somasy 558 735 teńgege ákimshilik quqyq buzýshylyq týraly 14 hattama jasaldy.

«Memlekettik qyzmet kórsetý sapasyna memlekettik baqylaýdy júzege asyrýdaǵy mańyzdy baǵyt -azamattardyń ótinishterin qaraý jáne buzylǵan quqyqtaryn qalpyna keltirý. 2020 jyly departament túrli sıpattaǵy 38 shaǵymdy qarady», - dep atap ótti B.Bespalınov.

Otyrysta memlekettik qyzmet kórsetýdiń problemalyq máseleleri talqylandy. Qorytyndysy boıynsha tıisti usynymdar engizildi.