Bir jylda 25 myńnan astam zańbuzýshylyq anyqtaldy - BQO prokýratýrasy
BQO prokýratýrasynyń baspasóz qyzmetinen túsken málimetke qaraǵanda, olardy joıý maqsatynda 1,5 myńnan astam prokýrorlyq qadaǵalaý aktileri engizildi. 48 qylmystyq quqyqbuzýshylyq boıynsha sotqa deıingi tergep-tekserý bastaldy. Prokýrorlyq yqpal etý sharalarymen 1158 zańsyz akti, sonyń ishinde 8 normatıvtik-quqyqtyq akti buzyldy nemese ózgertildi. 44 myńnan astam adamnyń konstıtýtsııalyq quqyǵy qorǵaldy. 3 myńnan astam adam tártiptik, materıaldyq jáne ákimshilik jaýapkershilikke tartyldy. Memlekettik bıýdjettiń 10 mlrd astam teńgege tolyqtyrylýy qamtamasyz etildi. 850 mln astam teńgeniń múlki memleketke qaıtaryldy.
Jyl ishinde 1183 qyzmetkerge 168 mln teńge jáne sottalǵan 85 adamǵa 814 myńnan astam bereshek óteldi.
Sybaılas jemqorlyq quqyqbuzýshylyqqa barǵany úshin 96 adam, sonyń ishinde 45 basshy tártiptik, oǵan qosa eki adam ákimshilik jaýapkershilikke tartyldy.
45 kásipkerdiń quqyǵy qorǵalsa, sonyń ishinde 10-y jedel toptardyń kómegin paıdalandy.
Sonymen qatar 29 myńnan astam jasóspirimniń quqyǵy qorǵalyp, olardyń quqyǵyn buzǵany úshin 457 adam tártiptik, 177-si ákimshilik jaýapkershilikke tartyldy. 9 sotqa deıingi tergep-tekserý bastaldy.