Bir jyl ishinde respýblıka aýmaǵynda jınaqtalǵan 892 mln. tonna qaldyqtyń 185 mln. tonnasy kádege jaratyldy - alqa májilisi
ASTANA. 30 qańtar. QazAqparat /Marlan Jıembaı/ - Bir jyl ishinde respýblıka aýmaǵynda jınaqtalǵan 892 mln. tonna qaldyqtyń 185 mln. tonnasy kádege jaratyldy.
Bul týraly búgin QR Premer-Mınıstriniń birinshi orynbasary Serik Ahmetovtyń qatysýymen ótken Qorshaǵan ortany qorǵaý mınıstrliginiń alqa májilisinde vedomstvo basshysy Nurlan Qapparov málim etti.
«2011 jyly ruqsat berilgen shyǵaryndylar kólemi 3,35 mln. tonnany, al lastaıtyn zattar shyǵaryndysy 2,8 mln. tonnany qurady. ıAǵnı tabıǵat paıdalanýshylar sanynyń ósýine qaramastan 2010 jylǵy deńgeıde qalyp otyr», - dedi mınıstr.
Onyń atap ótýinshe, oǵan tabıǵatty qorǵaý is-sharalaryn júzege asyrý, sonymen qatar kásiporyndardyń ekologııalyq taza tehnologııalardy engizýi septigin tıgizgen.
«Qaldyqtardyń óńdelý úlesi olardyń qalyptasýynyń 20,7 paıyzyn qurady. Qaldyqtardy kádege jaratý kólemi boıynsha kórsetkish oryndaldy. Bir jylda respýblıka boıynsha jınaqtalǵan 892 mln. tonna qaldyqtyń 185 mln. tonnasy kádege jaratyldy. Bul josparlanǵan kólemnen 45 mln. tonnaǵa artyq», - dedi N.Qapparov.
