Bir jyl ishinde álemde 800 myń adam bosqyn atandy
ASTANA. 18 maýsym. QazAqparat - Ótken jyly álem boıynsha 800 myńǵa jýyq adam elderin tastap ketýge májbúr boldy, delingen bosqyndardyń isteri boıynsha BUU joǵary komıssıarıatynyń jyl saıynǵy esebinde.
2011 jyly eriksiz qonystanýǵa májbúr bolǵandardyń sany álemde 4,3 mln. adamdy qurady, onyń ishinde elinde qalǵanymen óz úıinen amalsyz ketkender de bar. Bul málimetter asa qaýip-qaterli úrdisti kórsetýde, delingen esepte. Qonystanýǵa májbúr bolǵandardyń sany jyl saıyn artyp keledi, olardyń basym deni kóp jyldar boıy turaqty turýǵa kóndige almaıdy eken.
Álemde bosqyndardyń basym deni Aýǵanstannyń enshisinde, onyń sońyn ala Irak, Somalı jáne Sýdan memleketteri keledi.
