Bir jyl boıy habarsyz ketken Qaraqalpaqstan azamaty Almaty oblysynan tabyldy
TALDYQORǴAN. QazAqparat - Almaty oblysynyń polıtseıleri bir jyl boıy izdeýde júrgen sheteldikti izdep tapty, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, qylmystyq izdestirý tobynyń jedel ýákilderi Eńbekshiqazaq aýdandyq polıtsııa basqarmasynyń Kóshi-qon qyzmetkerlerimen birlesip, jedel-izdestirý is-sharalaryn júrgizý kezinde Rahat aýylynyń 29 jastaǵy turǵynynyń bir jyldan astam ýaqyt boıy habar-osharsyz ketken adam retinde memleketaralyq izdeýde júrgenin anyqtady.
Er adamdy Qaraqalpaqstanda turatyn ata-anasy izdep jatqany belgili boldy. Іzdeý jarııalanǵan azamat týraly, onyń naqty turǵylyqty mekenjaıy men ýaqytsha tirkeýi jaıly málimet izdep jatqan organǵa joldandy.
