Bir jastaǵy barabanshy Facebook paıdalanýshylaryn tańǵaldyrdy (VIDEO)
ASTANA. QazAqparat - Facebook-te Tı Djeı esimdi bir jasar baldyrǵannyń urmaly aspapta oınvypa otyrǵany týraly rolık paıda boldy. Balǵyn mýzykantty bir aptanyń ishinde mıllıonnan astam adam qaraǵan. Paıdalanýshylar túsindirmelerinde balany «álemdegi eń súıkimdi baranshy» dep atady, dep habarlady Lenta.ru.
Balanyń ákesi Djastın Ýılson Today basylymyna Tı Djeı barabanda tórt aılyǵy kezinen oınaı bastaǵanyn aıtqan. «Ol áýendi keltirý úshin aıaǵymen teýip, taktige qoldaryn shapalaqtady, sondyqtan men oǵan urmaly qondyrǵy satyp áperdim», dep áńgimeledi. Sondaı-aq Ýılson, ózi de, áıeli de mýzykalyq bilimderi bolǵanymen barabanda oınaý bilmeıtinin atap ótti. Sondyqtan da bul balanyń týabitti daryny bolar, dep shamalaıdy.
Maýsym aıynyń sońynda ártis balanyń beısbol matchy translıatsııasy kezinde minberden qarap otyrǵany ESPN sport arnasynyń kadrlerine túsip qalǵan. Eki kúnde ol qatysqan bul beınejazba Facebook jelisinde 25 mıllıon kórilim jınaǵan.
