Bir jasar ulyn 20 myń dollarǵa saýdalaǵan áıel Máskeýde ustaldy
ASTANA. QazAqparat - Máskeý tergeýshileri bir jasar ulyn 20 myń AQSh dollaryna satpaq bolǵan 33 jastaǵy kelinshekti ustady, dep habarlaıdy QazAqparat reseılik TASS agenttigine silteme jasap.
RF Tergeý komıteti Máskeý qalasy boıynsha basqarmasy basshysynyń aǵa kómekshisi ıÝlııa Ivanovanyń aıtýynsha, kelinshekke RF Qylmystyq kodeksi 127-babynyń 2-bóligine sáıkes «Adam saýdasy» boıynsha aıyp taǵylǵan. «Tergeý nusqasy boıynsha, 2017 jyldyń jeltoqsan aıynda áıel adam Qazaqstan Respýblıkasynyń Almaty qalasynda bolǵan kezinde áleýmettik jelidegi toptardyń birine 2017 jyly týǵan balasyn asyrap alatyn adamdardy izdeıtini týraly habarlama qaldyrǵan. Ol balasy úshin 20 myń dollar suraǵan», - deıdi ıÝ.Ivanova.
5 sáýirde kelinshek Máskeýge kelgen. Ózderin satyp alýshy retinde tanystyrǵan tergeýshilerge jolyqqan áıel baladan bas tartatyny jóninde qolhat jazyp bergen. Budan keıin olar aqshany alý úshin bankke barǵan jerinde áıeldiń qolyna kisen salynǵan. Qazir ul bala balalar úıine ornalastyryldy.
«Tergeý barysynda tergeýshiler Qazaqstan Respýblıkasynan kúdiktiniń mekenjaıyn jáne jaýap alý úshin týystaryn, sondaı-aq balanyń bıologııalyq ákesin tabýǵa quqyqtyq kómek kórsetýge suranym jiberýge nıetti. Taıaý arada kelinshekke qamaýǵa alý týrasynda bultartpaý sharasy qoldanylady», - deıdi ıÝ.Ivanova.
