Bir jasar qyz túngi serýennen keıin Ekibastuz aýrýhanasyna tústi
EKІBASTUZ. QazAqparat – 1 qańtarda túngi saǵat ekide úsip qalǵan sábı jedel túrde aýrýhanaǵa jatqyzyldy. Bul týraly QazAqparat pavlodarnews.kz saıtyna siltem jasaı otyryp habarlaıdy.
Jedel járdem qyzmetine qońyraý Solnechnyı aýylynan túsken.
«Sábıdiń anasynyń aıtýynsha, 1 jasar qyzdy túngi saǵat 22:00-de aýlaǵa serýendetý úshin shyǵarǵan. Úıge kelgen soń onyń oń qoly isip turǵanyn baıqap, jedel járdem qyzmetin shaqyrǵan. Jedel járdem qyzmeti brıgadasy alǵashqy medıtsınalyq kómek kórsetip, qyz balany travmatologııa bólimine jetkizgen. Ol jerde sábıdiń oń jaq qolynyń saýsaqtary úsip qalǵanyn anyqtap, jedel túrde aýrýhanaǵa jatqyzǵan. Oǵan «oń qoldyń I-II-IIIA dárejeli úsigi» dıagnozy qoıyldy. Jaǵdaıy ortasha deńgeıde. Qazir ol travmotologııalyq bólimde jatyr», - delingen oblystyq densaýlyq saqtaý basqarmasynyń baspasóz habarlamasynda.
Sondaı-aq, 1 qańtarda osyǵan uqsas basqa da oqys jaǵdaılar bolǵan. Baspasóz habarlamasynda jazylǵandaı, saǵat 14:20-da petardanyń jarylýy saldarynan 12 jastaǵy er bala zardap shekken. Onyń oń qolyn birinshi dárejeli kúıik shalyp, Ekibastuzdaǵy qalalyq aýrýhanaǵa jetkizilgen.
