Bir jasar bala 11-qabattan qulap, tiri qaldy
ASTANA. QazAqparat - AQSh-tyń soltústigindegi Mınneapolıs qalasyndaǵy turǵyn úıdiń 11-qabatynan qulaǵan 15 aılyq bala aman qaldy.
Belgili bolǵandaı, bala balkon qorshaýynyń arasynan qulap ketken. Osynyń saldarynan sábı kóptegen jaraqattar alyp, súıekteri synǵan jáne onyń ókpesi jarylǵan kórinedi.
Dárigerlerdiń aıtýynsha, bala aýyr halde jatyr. Olardyń paıymynsha, mundaı bıiktikten qulaý saldarynan tiri qalý - tańǵalarlyq jaıt.
Hırýrgterdiń biriniń sózine qaraǵanda, eger eresek adam jeti qabattan joǵary bıiktikten qulasa, onda onyń aman qalýy ekitalaı. Biraq ta bala súıeginiń ıilgish bolǵanynyń arqasynda tiri qaldy dep atap ótýde dárigerler.
