Bir jarym jylda monopolısterge 1,3 mlrd teńge aıyppul salynǵan

NUR-SULTAN. QazAqparat – QR Ulttyq ekonomıka mınıstrligi Tabıǵı monopolııalardy retteý komıteti kommýnaldyq qyzmet monopolısterine 1,3 mlrd teńge aıyppul salǵan, dep habarlaıdy QazAqparat tilshisi.

Ortalyq kommýnıkatsııalar qyzmetinde komıtet tóraǵasynyń mindetin atqarýshy Ashat Japsarbaı osyndaı aqparat aıtty.

Ashat Japsarbaı 2020 jyly Tabıǵı monopolııalardy retteý komıteti monopolıst sýbektilerge qatysty ákimshilik ister boıynsha 412 qaýly shyǵaryp, 1,006 mlrd teńge aıyppul salǵanyn, al 2021 jyldyń 6 aıynda sýbektilerge 332,8 mln teńge aıyppul taǵaıyndaǵanyn baıandady.

«Tabıǵı monopolııa sýbektileriniń qyzmetin memlekettik baqylaý sheńberinde 2020 jyly 390 uıǵarym engizildi. Onyń ishinde 244 uıǵarym oryndaldy. Al 2021 jyldyń alǵashqy jartysynda 270 uıǵarym engizilip, 162-si oryndaldy», - dep atap ótti vedomstvo basshysynyń m.indetin atqarýshy.