Bir jarym jyl ótken soń Belgııada úkimettik odaq quryldy
BRıÝSSELЬ. 13 qazan. QazAqparat /Dımash Syzdyqov/ - Búgin Belgııada 2010 jyldyń maýsym aıynda ótken parlamenttik saılaýdan keıin qurylady dep kútilgen mınıstrler kabıneti bir jarym jylǵa jýyq ýaqyt ótkennen keıin qurylǵandyǵy málim boldy.
Úkimettik koalıtsııany Áleýmettik partııa tóraǵasy Vallonııa Elıo dı Rýpo basqaratyn bolyp, al onyń birinshi otyrysy aǵymdaǵy jyldyń 14 qazany kúni ótedi degen sheshim qabyldandy, dep jazady jerilikti BAQ.
Qazirgi tańda jańa úkimetti basqarady dep boljanyp otyrǵan Dı Rýpo Belgııa Koroli ІІ Albertpen jańa federaldyq kabınet qurý týraly kelissózder ótkizýge ýákiletti.
Birqatar baqylaýshylardyń pikirinshe, Belgııa premer-mınıstriniń mindetin atqarýshy Iva Letermanyń Ekonomıkalyq yntymaqtastyq jáne damý uıymy bas hatshysynyń orynbasary qyzmetine ketý týraly sheshimi úkimet qurýdaǵy kelissózderdiń alǵa basýyna septigin tıgizgen.
QazAqparat buryn habarlaǵandaı, Belgııa 2010 jyldyń sáýir aıynan beri tolyqqandy úkimetsiz qalǵan.
