Bir jarym jyl ishinde «Jumyspen qamtý-2020» baǵdarlamasyna 239 myń adam tartyldy
Búgin Parlament Senatynda «Shaǵyn jáne orta bıznesti damytý sheńberinde «Jumyspen qamtý - 2020» memlekettik baǵdarlamasynyń iske asyrylý barysyna arnalǵan dóńgelek ústelde Eńbek jáne halyqty áleýmettik qorǵaý mınıstri Serik Ábdenov osylaı málim etti.
«Júzege asyrylyp jatqanyna bir jarym jyl bolǵan «Jumyspen qamtý-2020» baǵdarlamasy óziniń tıimdiligin tanytyp otyr. Jumyspen qamtýdyń qajetti quraldary men tetikteri túgel qamtylyp, synaqtan ótti. Nátıjesinde 239 myń adam jumysqa tartyldy», - dedi S. Ábdenov. Bul rette mınıstr memlekettik baǵdarlama tórt baǵytta júzege asyp otyrǵanyn jetkizdi. Atap aıtqanda, olar: oqytý jáne sol boıynsha jumysqa ornalastyrýǵa járdemdesý, aýyldaǵy kásipkerlikti damytýdy qoldaý, eńbek resýrstarynyń jumylýyn arttyrý jáne aýyldyq eldi mekenderdi damytý.