Bir jarym aılyq balasyn qaraýsyz qaldyrǵan kelinshek jaýapkershilikke tartylady
PAVLODAR. QazAqparat - 32 jastaǵy áıeldiń isine qatysty QR Ákimshilik quqyq buzýshylyq kodeksiniń 127-babynda qarastyrylǵan «Ata-analyq mindetin laıyqty deńgeıde atqarmaýy» boıynsha ákimshilik is qozǵalatyn boldy, dep habarlaıdy «QazAqparat» HAA tilshisi Pavlodar oblysy ІІD baspasóz qyzmetine silteme jasap.
Budan ózge, kámelettik jasqa tolmaǵandar quqyǵyn qorǵaý jónindegi komıssııa otyrysynda balanyń anasyn ata-analyq quqynan aıyrý máselesi de qarastyrylady. Oǵan deıin náreste Balalar úıinde bolady.
Búgin tańerteń Pavlodar qalalyq ishki ister basqarmasyna kópqabatty úılerdiń birindegi páterden jylap jatqan balanyń daýysy estilgendigi týraly qońyraý shalynǵan. Dárigerler balanyń jasyn anyqtap, oblystyq balalar aýrýhanasyna jetkizdi. Polıtsııa qyzmetkerleri balany qaraýsyz qaldyryp, óz jumystarymen shyǵyp ketken anasyn tapty.
