Bir úıir jylqyny aıdap áketken barymtashylar ustaldy
TALDYQORǴAN. QazAqparat - 2016 jyldyń 20 jeltoqsanynda Almaty oblysy Іle aýdanynda fermer óziniń 15 bas jylqysyn bireýler urlap áketkeni týraly shaǵymdanǵan.
Osyǵan baılanysty barymtashylyq jasady degen kúdikpen tórt er adam ustaldy. Olardyń ekeýi dál osyndaı qylmysy úshin buǵan deıin de jaýapkershilikke tartylǵan, dep habarlaıdy QazAqparat tilshisi oblystyq ІІD baspasóz qyzmetine silteme jasap.
«Kúdiktiler Іle aýdandyq ІІB krımınaldyq polıtsııa jedel bóliminiń shuǵyl-izdestirý sharalary barysynda ustaldy. Sanktsııalanǵan tekserýler nátıjesinde ustalǵandardyń biriniń qorasynan álgi jylqy úıirindegi bes mal tabyldy. Jylqylar ıesine qaıtaryldy», - delingen baspasóz baıanynda.
Polıtsııa qyzmetkerleri urlanǵan 15 jylqynyń qalǵany soıylyp, Almaty qalasyndaǵy bazarlarǵa satylǵanyn anyqtady.
«Mal urlyǵyna qatysty qylmystyq is qozǵalyp, onymen Іle AІІB tergeýshileri aınalysýda. Sotqa deıingi tergeýler barysynda ustalǵan kúdiktilerdiń dál osyǵan uqsas basqa da qylmystarǵa qatysy bar-joǵy tekseriletin bolady», - delingen oblystyq ІІB baspasóz qyzmetiniń habarlamasynda.
