Bir túnde Astanadan 13 myń tekshe metrden astam qar shyǵaryldy
ASTANA. QazAqparat - 23-24 jeltoqsanǵa qaraǵan túni elordadan 13 374 tekshe metr qar shyǵaryldy, dep habarlaıdy QazAqparat.
Astana ákimdiginiń máloimetinshe, jaýyn-shashynnyń kóp túsýine baılanysty qalanyń kommýnaldyq qyzmetteri táýlik boıy kúsheıtilgen rejımde jumys istep jatyr.
«Búgingi tańda elorda boıynsha qar tazalaý jumystaryna 2,3 myńnan astam jol jumysshylary men myńnan astam arnaıy tehnıka jumyldyryldy.
23-24 jeltoqsanǵa qaraǵan túni qaladan polıgondarǵa 13 myń tekshe metrden astam qar nemese 1 086 júk kóligi shyǵaryldy», - dep jazdy vedomstvodan.
Qys mezgiliniń basynan bastap kommýnaldyq qyzmetter qaladan 67 myńnan astam júk kóligin - 819 myń tekshe metrden astam qardy shyǵardy.
