Bir túnde 8 kólikti úptep ketken eki jasóspirim ustaldy - Petropavl
ASTANA. QazAqparat - Petropavl qalasynyń polıtseıleri 8 kóliktiń tonalýyna qatysty kúdiktilerdi qolǵa túsirdi , dep habarlaıdy QazAqparat tilshisi SQO ІІD baspasóz qyzmetine silteme jasap.
Belgili bolǵandaı, Petropavl qalasynyń "Cheremýshkı" aýdanynyń turǵyndary bir túnde 8 kóliktiń ishinen zattardyń tonalǵany týraly shaǵym túsirgen. Urylar kólikterdiń terezelerin syndyryp, salonda satýǵa bolarlyq barlyq zattardy jymqyryp ketken.
Petropavl qalasynyń ІІB qylmystyq polıtsııa bóliminiń qyzmetkerleri aýdandy birden zerdeleı bastaıdy. Jedel izdestirý sharalary barysynda úsh jas jigit kúdikti retinde qolǵa túsken. Olardyń ekeýi jasóspirim bolyp shyqty.
"Olar ishki ister orgndaryna burynnan tanys bolyp shyqty. Ustalǵandardan qolǵaptary salynǵan rıýkzak anyqtalyp, jymqyrylǵan zattar tərkilendi", - delingen habarlamada.
Qazirgi ýaqytta QR QK-niń 188-baby 2-bóligi boıynsha qylmystyq is qozǵaldy. Aıyptary dəleldengen jaǵdaıda ustalǵandar 5 jylǵa deıin bas bostandyqtarynan aıyrylýy múmkin.
